Virkni Fjallagrasa
Fjallagrös innihalda tvenns konar virk efni.
· Virkni gegn bakterium
· Virkni gegn veirum
Fjallagrös eri fjölsykrur sem hafa mýkjandi og róandi áhrif á slímhúð í maga og í hálsi.
Lækningamáttur
Til lækninga hafa fjallagrös einkum verið notuð gegn kvillum í öndunarvegi s.s. kvefi, lungnakvefi, asma og berklum. Kvillum í meltingarfærum s.s. meltingatruflunum, magabólgum, hægðatregðu og sem lystaukandi meðal. Auk þess að vera notuð útvortis sem bakstrar á exem, þurra húð og á sár sem gróa illa.
Virk efni
Fjallagrös innihalda hátt hlutfall af vatnsleysanlegum fjölsykrum, ásamt sérstökum fléttusýrum, sem ekki finnast annars staðar í náttúrunni en í fléttum. Margar vísindarannsóknir hafa verið gerðar á virkni framangreindra efna og eru helstu niðurstöður eftirfarandi:
• Andoxunarvirkni
• Virkni gegn bakterium
• Virkni gegn veirum
• Virkni gegn æxlisvexti
• Styrking ónæmiskerfisins
Hvað eru fjallagrös?
Fjallagrös eru ekki jurt – þau eru fléttur - í raun samlífi tveggja óskyldra lífvera, sveppa og þörunga.
Hvar vaxa þau og hvernig?
Þau eru mjög algeng hér á Íslandi og finnast líka víða annars staðar ánorðurhveli jarðar.
Hér vaxa þau upp til heiða og fjalla í hreinni og ómengaðri náttúru og eru því lífræn afurð.
Fjallagrös vaxa hægt. Talið er að þau séu a.m.k. 5-10 ár að ná fullri stærð.
Þau hafa engar rætur en lifa af því sem á þau fellur.
Eina “plantan” sem kennd er við Ísland.
Í erlendum tungumálum eru fjallagrös gjarnan kennd við Ísland (Iceland moss á ensku, Isländich moos á þýsku, la mousse d´Islande á frönsku, Islandsk mos á dönsku o.s.frv.). Latneskt fræðiheiti þeirra, Cetraria islandica, vísar meira líka til Íslands.
Hvernig má nota fjallagrös?
Víða um heim hafa fjallagrös öldum saman verið nýtt til lækninga, sérstaklega til inntöku við öndunarfærasjúkdómum og meltingartruflunum en einnig útvortis gegn exemi, þurri húð og á sár sem seint og illa vildu gróa.
Fjallagrös voru m.a. þekkt lækningajurt meðal Forn-Grikkja, Rómverja, Egypta og Kínverja
Þau hafa líka mikið verið notuuð til matar.
Í hvaða formi?
Seyði, te, bakstrar og umbúðir til lækninga.
Sem almenn fæðubót við matargerð,brauð, slátur, fjallagrasamjólk, ysting, kandís, te, krydd
Hvað innihalda þau og hvernig virka þau?
Fjallagrös innihalda hátt hlutfall af vatnsleysanlegum fjölsykrum sem þýðir að þegar þau eru lögð í heitt vatn eða soðin myndast nokkurs konar hlaup eða slím sem verndar slímhúð magans t.d. gegn of háum sýrum. Vegna þessa eru þau líka góð gegn ertingi og særindum í hálsi þar sem þau mýkja og vernda slímhúðina
Í fjallagrösum er líka mikið af beiskum/bitrum efnum (fléttusýrum) sem hafa mjög góð áhrif á meltinguna.
Grösin eru líka auðug af trefjum og steinefnum, einkum járn og kalsíum.
Fjallagrös eru mjög styrkjandi og góð til að byggja upp orku. Áður fyrr voru þau gjarnan notuð til að byggja upp kraft eftir langvaarandi veikindi.
Þau hafa mýkjandi og slakandi áhrif (særindi í hálsi, hósti)
Fjallagrös eru líka mjög græðandi bæði innvortis og útvortis (magabólgur, meltingartruflanir, útvortis sár,þurr húð og exem).
RANNSÓKNIR Á FJALLAGRÖSUM
Margar vísindagreinar um fjallagrös hafa verið birtar í alþjóðlegum ritum (þ.e.a.s.
áhugi vísindamanna á þeim umtalsverður).
Í rannsóknum hefur verið sýnt fram á að efni í fjallagrösum geta hindrað vöxt bakteria og krabbameinsfruma og örvað virkni ónæmiskerfisins.
ATH. Niðurstöður eru fengnar í tilraunaglösum og með tilraunum á dýrum enn sem komið er.
Rannsóknirnar gefa þó mjög athygliverðar vísbendingar og styðja eindregið trú
manna á heilsugildi fjallagrasa og að hefðbundin notkun þeirra eigi við rök að
styðjast.
